Framfarir í Leynigarði frá 15 maí...

Á þessu svæði var skógur með jafnstórum trjám og sjást þarna fyrir innan, Vigdís og Simmi gáfu okkur þessi  þrjú grenitré.

 

Pallasmíði

 

Tengibygging fokheld

 

Klæðning komin á tengib. og rennur.

 

grindverk að klárast.

 

Svalt

Fyrirsæta í Leynigarði

Drit fyrir þá sem er annt um mig, alls ekki hina!

Málið er einfalt:

Hvað á ég að láta gera við hárið mitt n.k. fimmtudag...sko á Krítik?

Langar í Xstream makeover en þar sem ég er ......já ...þá er ég á báðum áttum.

Langar að láta klippa slatta,lita,dekkra,liði ...og???arg.

Komið nú með hættulega tillögur

Tilkynning til sjófarenda...

Júlía Katrín ætlar að verða vélstjóri þegar hún verður stór.

Þess má geta að hún þekkir enga vélstjóra.

Ótrúlegt stelpuskott.

Hvað eru margar kartöflur í þessu driti?

Fékk áminningu frá móður minni um álkulega flugfreyju á síðunni...færum hana niður.

Nú í dag gerðist sitt hvað áhugavert.

Ég fór í Bónus, Ríkið, Húsasmiðjuna og ENNEINN,

svo fórum í Leynigarð.

Lalli og Geiri kláruðu að setja niður þakjárnið,

ég tók límmiða af 130 grindverksspítum og er byrjuð að bera á þær fúavörn,

ég setti niður jarðepli bak við Leynigarð,

foreldrar mínir settu niður kartöflur.

Ég sá Tinnu og Tóta raka sinu í Miðgarði, Ellý var líka þar.

Erla og Vilberg + baun kíktu við eftir sína kartöfluniðursetningu,

Ívar og Hilmar fóru í Flúðalaug,

Amma kíkti,

og Haddi,

Júlía Katrín heimsótti ömmu og afa í Gamlagarði,

ég sá Ödda og Hrönn,

Örn og Marit litu við.

Max var óþekkur í dag og reyndi að taka upp jarðeplin sem ég setti niður,

Júlía Katrín fékk nýtt teppi handa Siggu (dúkku) hjá ömmu Helgu,

Haddi setti skúrinn sinn fyrir framan byrgið klukkan 18.35,

ég grillaði svínakótilettur, hamborgara, kjúkling og kartöflur handa 6 einstaklingum,

meðlætið var kartöflusalat, kartöflustrá og sósa. Drykkjarföng samanstóðu af Eglis appelsíni(hæ Jóhanna), pepsí Max og Lite léttöli.

tjaldsvæðið á Flúðum var smekkfullt af felli-og hjólhýsum.

Við Júlía Katrín fórum á fjórhjólið, Max óþekki kom með og fékk sér sundsprett og sprett þvert yfir kartöflugarð foreldra minna.

Við komum heim klukkan 20.30 þreytt og sæl eftir notalegan dag í Mýrinni.

 Helga Guðrún fór á Sauðárkrók í gærkvöldi með Katrínu að hitta Sunnu sem var að eignast lítinn gaur, þær komu aftur heim í kvöld og eru farnar á "djammið"

Góða Nótt ZZZZzzzz

Flugfreyjur

Takið eftir hattinum og klútnum...björgunarbátur og handklæði...fyrir þær sjálfar 

 

Hveramýri 2...

...eða  Leynigarður  er kominn með  byggingarleyfi .

Stór dagur á morgun:

1. Lambaferð hjá Júlíu Katrínu -Stekkum.

2.Byggingarnefndarfundur á Laugarvatni*kross your putts plís*

3.Diskótek í umsjón tengla hjá Ívari Bjarka, sem er þess valdandi að ég kemst ekki á...

4. ...Josh Groban með Lalla,...tengdó fer fyrir mig  og ég dansa diskó á meðan .

5.Helga Guðrún litla byrjar hjá M.S.

Vonandi þurfum við ekki að flagga í hálfa í Leynigarði um helgina .

Árás og eyru...

Fór í bæinn með báðar stelpurnar mínar um hádegi í dag til að fara með Júlíu Kartínu í eyrna-eftirskoðun. Undir Ingólfsfjalli tókum við eftir því að okkur var veitt eftirför. 

 Mér datt fyrst í hug að þetta væri frambjóðandi vinstri grænna-suðurkjördæmis, sem legði það á sig að keyra þá kjósendur sem sýndu á sér farasnið til frambúðar, útaf, og tefja för þeirra með því um tvo daga. Þegar bifreiðin nálgaðist meir og fór að blikka ljósunum og hazardinu var ég alveg viss! þetta var X- D,B,S,V eða F. (D.B.S.VotttheFokk)Ég svitnaði og gaf örítið í , hann jók líka hraðann.

Í miðjum Kömbum gaf hann allt í botn, lítill grænn skítugur Skódi læddist frammúr mér og jós yfir mig svörtum reyk...alveg að skíta á sig. Ég leit varlega til vinstri og sá þar litla konu með derhúfu í farþegaframsætinu...hún vinkaði mér eins og brjálæðinur. Ég leit snöggt fram á veginn aftur og þóttist ekki hafa séð hana.

 Alla leiðina þvingaði Skódinn mig að komast ekki framúr, var þetta Sturla Böðvars? eða Eyþór Arnalds? Í Hveradalabrekkunni rann Skódinn frekar hratt niður, fór alveg í rúmlega 93 km.klst...Við ostaskerann í Svínhrauninu gaus upp þessi svaðalega prumpulykt...og litla konan með derhúfuna stakk út hausnum..."baunir" hugsaði ég.

 Þegar kom að Rauðavatni var ég fljót að beygja inná Breiðholtsbrautina þegar ég sá brjálaða fretfólkið á græna Skódanum taka stefnuna á borgina.

 

 Fórum í IKEA, fundum þar Örn og Emil skælandi í matsalnum,þeir voru búnir að gera nokkrar tilraunir að komast útúr IKEA án þess að þræða alla búðina.

Fórum á Salatbarinn og fengum gott að borða.

Kíktum á Lalla í Álftamýri.

Helga pissaði á bensínstöð...nei ekki Á hana!

Fórum svo til Einars Thor. Júlía Katrín er enn heyrnardauf vegna vökva á hægra, hann vill bíða fram á haust að gera eitthvað...við vonum að hún nái þessu úr sér sjálf í sumar.Hann teiknaði mynd handa henni af rostungi á skeri og kanínu á baksundi.

Fórum heim og elduðum sænskar kjötbollur með tittesylte, brúnni og karpellum.

Horfðum á Júró...mér fannst Eiki fínn.

Ég held að þessi frá Mold...avíu vinni AF ÞVÍ hún var í nælon-nærbrók upp að nafla og það vantaði leður í brækurnar sökum fátæktar í Mold...avíu.

Drithöfðinginn hefur talað...

...og því kominn tími á nýtt drit.

Helga á núna bara eitt próf eftir, í dönsku,kláraði stæ. í morgun og kom alsæl heim úr því prófi. Eftir hádegi skrapp hún með Katrínu í Þolló að hitta Ragnheiði sem vinnur þar í golfskála???ég vissi ekki að það væri golfvöllur þar ???

Klukkan hálf sjö í kvöld hringdi hún svo í mig:

Helga: Hæ, ég var á spá hvort ég mætti fara með Loisu til Eyja núna? Dallurinn fer hálf átta.

Ég: uuuu...ha?

Helga: Ææææ okkur langar svo að gera eitthvað sniðugt.

Ég: hvenær kemur þú þá heim?

Helga: við gistum hjá mömmu hennar og komum svo aftur um hádegi á morgun.

Ég: hvenær fer "Dallurinn" á morgun?

Helga: -Kallar á Loisu"hvenær fer Dallurinn á morgun?"-Hann fer átta í fyrramálið,við tökum þá kannski seinni ferðina.

Týpískt af Þyrnirós að pæla í þessu.

Ég: Ókey eru þið með bíl?

Helga: Já og tjald...

Ég: uuuu.???? ...jamm...haldið ykkur fast og svo heyri ég í þér.

Helga: Já gerum það elska þig.

Ég: ég þig sömuleiðis, bæ...

Einstakur karakter þessi dóttir sem gefur lífinu ekkert nema bjarta liti.

Hvað ætli hafi orðið um Katrínu ? Bíllinn hennar er hér fyrir utan...laumufarþegi?