Þrettándinn þrotinn.

Í kvöld komu Sæluhlíðarbúar í mat til okkar,lambalæri og purusteik .

 

 

 Í eftirmat var slegist um afgangs-puruna sem fylgdi 6 kílóum af kjöti

 

Svo ultu allir út í snjóinn og nokkrar tertur voru sprengdar.

Á þrettándabrennunni var mikið af fólki og öðrum kynjaverum,Júlía Katrín og Þorsteinn Már kvöddu jólasveinana og hún knúsaði meira að segja einn bless.En þegar Hurðaskellir tók hana í fangið og sagði"nú kemur þú með mér heim"brast mín í grát,hún veit nefnilega alveg hvað bíður þeirra heima.Ég sagði svo við hana að hann væri bara skotinn í henni,hún væri allt of góð fyrir þessa fjölskyldu.

Mér þótti sveinarnir frekar mjóir þetta árið,vonandi bíður þeirra fitun í fjöllunum.Aumingja Stekkjastaur átti líka virkilega erfitt um gang.

Næst á dagskrá er að kassa jólin,fúlt þegar jólasnjórinn er loksins kominn.

 

Athugasemdir

[Josiha, 7.1.2007 kl. 01:06]

Rosalega lúkkar þetta vel hjá þér. Nammi namm!  Þú kannt sko að halda matarboð Gugga!
Gott að Hurðaskellir rændi ekki Júlíu. Skil vel að hún hafi verið hrædd litla skinnið. Knúsaðu hana frá mér. Knúsaðu svo sjálfa þig frá mér

[Guðbjörg drithöfundur Helga,Sigurdórs og Helgu..., 7.1.2007 kl. 01:16]

Takk fyrir það Jóhanna mín,þetta bragðaðist líka þannig að ég stend enn á blístri.

Það er hætt við því að sveinarnir hefðu bara komið tólf niður af fjalli næstu jól hefði hann rænt henni!

[GK, 7.1.2007 kl. 01:20]

Var Þvörusleikir mjór?

[Helga R. Einarsdóttir, 7.1.2007 kl. 16:22]

Hér var gúllassúpa og nóg af henni, þarf ekki að elda fyrr en einhverntíman eftir helgi. Ég held að þvörusleikir hafi alltaf verið mjór, alla vega sá sem ég þekki. Er það eitthvað að breytast?