Ökuníðingar og greidd atkvæði

Jæja fundur hjá skipulagsfulltrúa á Laugarvatni á morgun,krossa putta allir sem vita um hvað málið snýst...

 

Ég fór sjálf á foreldrafund í morgun,góður fundur með nýjum kennara Ívars Bjarka.Hún lofar góðu enda hef ég öruggar heimildir fyrir því að hún er afbragðs kennari.Það var 50 % mæting foreldra sem mér finnst frekar slappt.Ég bauð mig fram sem tengil í bekknum í vetur og óskaði eftir því að allir meðtækju Beggó (Simmasystur) sem starfsystur mína,hún gat ekki mætt og því ekki andmælt og var hún ráðin með öllum greiddum atkvæðum.Ég hringdi svo í hana í dag og sagði henni að fólk hefði krafist þess að hún yrði tengill...þá varð hún voða glöð.Við ætlum að eyða heilli helgi saman í oktober,einhverstaðar í Sælingsdal??held ég það heiti,fáum okkur þá rauðvín í langt í burtanistan og ákveðum hvað börnin geri sér til skemmtunar í vetur,það verður fróðlegt.Meir um það síðar.

 

Ég leitaði þvílíkt mikið að debetkortinu mínu á mánudaginn,fann það á endanum úti í ruslatunnu,innan um sunnudagspurusteikarafganga og Júllaafmælisafganga *æl*hafði varla lyst á að kaupa í matinn með því...jú auðvitað þvoði ég það og mig!

 

Jóhanna og Dýrleif Nanna komu í heimsókn í hádeginu,það er hægt að horfa á þetta barn endalaust,beautyqueenTakk fyrir komuna stelpur og Lush-ið

 

250 bílar mældir á mælum vegagerðarinnar í ágúst á yfir 150 km. hraða,bara á kjalarnesvegi!Hvað er að fólki!!!Ég verð brjáluð þegar ég heyri svona.

Viðtalið við strákinn og foreldrana sem var í kastljósi í kvöld, ætti að sýna í öllum bíósölum borgarinnar fyrir mynd, í staðinn fyrir kók-auglýsingu og hana nú!

Það hlustar enginn á einhverja umferðarráðskellingu sem kemur með sömu áherslur og Óli Þórðar. gerði í 50 ár.Ef þið skiljið ekkert í þessum pirring í mér horfið þá á Kastljós kvöldsins á netinu.

*Andvarp*ég sem hélt að ég hefði ekki frá neinu að segja,ætlaði bara að segja:hæ

 

Allir svo að taka þátt í átakinu "Magna heim"ég vona að hann verði ekki Súpernóvi,allt og góður fyrir þá.

 

 

 

Athugasemdir

[Halla (IP-tala skráð) 13.9.2006 kl. 14:25]

ég er líka tengill í Sigfríðar bekk og hef verið það í tvö ár og nú er ég komin í sama hlutverk í Brynjólfs bekk, hef svo lítið að gera....Skil alveg vegapirringinn, skil ekki þennan djö.. rallýakstur á þjóðvegunum. Það virðist ekki hafa nein áhrif þó við séum að missa fólk í slysum hægri, vinstri,- alltaf skal liðið fara fram úr á öllum mögulegum og ómögulegum stöðum og flauta ef maður er ,,bara" á hundrað!!!knús ljúfan

[ammatutte (IP-tala skráð) 13.9.2006 kl. 14:57]

Heyr- heyr, sammála síðasta ræðumanni. Hverjum dettur í hug að krakkar á þessum glæfraaldri sitji og horfi á Kastljós eða hlusti á Gufuna. Þessir menn og konur sem eru í ráðum og nefndum sem eiga berjast gegn þessum ósköpum eru svo aftan úr steinöld og úr öllu sambandi við raunveruleika ungs fólks að það er með ólíkindum.Leitiði til unga fólksins sjálfs og spyrjið hvaða fjölmiðlar höfði til þeirra. Og þá á ég reyndar ekki við það unga fólk sem tilheyrir þessum 3% sem sitja heima með foreldrunum og horfa og hlusta á ríkisrekna fjölmiðla sem hafa lítið breytst frá því snemma á liðinni öld. Allt í lagi með það, við þurfum að hafa svoleiðis stöðvar, en ekki til að flytja ungligum umferðarfræðslu.

[Josiha, 13.9.2006 kl. 14:59]

*krossa putta*!!!

Mikið gaman að sjá ykkur mæðgurnar :-) Komum fljótlega aftur í heimsókn :-)

Sá ekki Kastljósið en stefni á að sjá það á netinu. Annars er ég líka alveg brjál á þessum hálfvita ökumönnum. Ég kemst alveg á milli staða á 100 km hraða. Þarf ekki að keyra á 200.

Sammála með Magna. Þeir eru sko ekki nógu góðir fyrir hann!

Ertu búin að smakka rófurnar? Ég rak pabba út í rófugarð í gær því að mig langaði svo að gefa ykkur nýjar rófur, haha. Hann hefur ekkert betra að gera - djók ;-)

[Vigdís (IP-tala skráð) 13.9.2006 kl. 17:14]

Ég krossa fingur og tær í dag útaf fundinum hjá hreppsnefnd, hlakka til að heyra í ykkur hvernig fór. Veit ekki hvort mér líst á að ferðin OKKAR verði fundarferð fyrir ykkur Beggó haha. P.S þú vannst nátturulega ekki í rauðvínspottinum. Hvernig kemst maður í VIP klúbbinn þinn svo maður ég ekki alltaf óskráður. Kv, Vigdís

[ammatutte (IP-tala skráð) 13.9.2006 kl. 18:03]

Ekki tala um fundi Vigdís, ég fæ svitakóf og kuldahroll til skiptis. Veit ekki hvort ég þori að svara í símann næstu daga.

[ammatutte (IP-tala skráð) 13.9.2006 kl. 18:14]

opinn borgarafundur um umferðarmál í fjölbraut á morgun - vitið þið klukkan hvað? Korter yfir fimm - þegar nemendur í skólanumeru örugglega farnir heim og annað venjulegt fólk er enn í vinnu. Alveg dæmigert. þarna mæta semsagt ásamt sýslumanninum nokkrir bæjar og sveitastjórnamenn og svo fáeinir aðrir sem aldrei hafa neitt að gera nema mæta þar sem von er um að komast á fjölmiðla. Annars hefði ég viljað koma því að líka að það er ekki bara við unglinga að sakast í vígbúnaðinum og hryðjuverkunum á vegunum. Fullorðið fólk er þar mjög margt sjálfu sér til háborinnar skammar.

[GK, 13.9.2006 kl. 22:00]

Góð hugmynd hjá þér að sýna viðtalið í bíó. Þú ættir að gauka þessari hugmynd að Umferðarráði.

[Guðbjörg drithöfundur Helga,Sigurdórs og Helgu..., 14.9.2006 kl. 00:28]

Hæ Halla;)

Jóhanna:namm,sætar og safaríkar rófur...;p takkkkk

Vigdís:þú þarft að vera með síðu hér á mbl.blog.

Ammatutte:skólinn á eftir að fyllast af fólki sem hefur gaman að hraðakstri...not!!!

Gummi:ég er mikið að spá í það,eitthvað þarf að gera sem nær til fólks.