Ég er komin með vinnukonu...

...hún er náhvít og búttuð með eitt stór auga, það fer ekki mikið fyrir henni, og hún er gjörsamlega hljóðlaus! Þannig vil ég hafa vinnukonurnar á heimilinu, næg eru lætin í þeim sem eiga hér lögheimili að þessi bætist ekki við!

Fann hana á netinu og bað Lalla að sækja hana í gær. Lalli hringdi svo í mig og sagði að hún væri komin í skottið hjá MAX alsæl og ljómandi, síðan þá hefur hún verið í stanslausri vinnu, ég gef henni ekkert breik.

Hún tekur 7 kg. af þurrum þvotti!!!

Gamla vinnukonan gafst upp, hún höndlaði ekki misnotkunina frá 36 táfýlusokkum af tuðrufélaginu Árborg. Blessuð sé minning hennar.

Athugasemdir

[Josiha, 7.9.2007 kl. 02:25]

Oh mig langar í svona vinnukonu! Mér finnst ég hafa sko nóg af þvo og við erum bara þrjú! Skil ekki hvernig þú ferð að!

Og hvaða vinnukonu mundi ekki segja upp störfum eftir þessa táfýlusokka!

[Ninna (IP-tala skráð) 7.9.2007 kl. 09:52]

Til hamingju með nýju vinnukonuna! ;)

[Guðbjörg drithöfundur Helga,Sigurdórs og Helgu..., 7.9.2007 kl. 16:01]

Þetta er algjör sæla, hún gerir sér lítið fyrir og þvær 1/2 þvottakörfu í einu! ég sé frammá að hafa bara 2 þvottadaga í viku...jibbý. Áður voru það 2 vélar á dag!

[Helga R. Einarsdóttir, 7.9.2007 kl. 22:02]

Til hamingju með þetta nýja "hjálpartæki" sem mér skilst að sé jafnvel öflugra en nokkur vinnukona. Passaðu þig bara svo hún heimti ekki ráðskonustöðuna. kv

[Helga R. Einarsdóttir, 8.9.2007 kl. 12:42]

Ég gleymdi, ánægjuleg þessi stefna hjá þér að hafa hana hvíta, það hefur verið tilheiging á hinn veginn undanfarið.

Svo er líka þetta með sokkana, varla eru þessir 36 7kg. Nú getur þú tekið buxurnar í leiðinni.

[Zóphonías, 11.9.2007 kl. 01:25]

Ég á tvær hvítar vinnukonur .... önnur virðist framleidd í Austur Þýskalandi ( komúnisti ) og tekur 4 kg af þvotti og hana gaf Afi minn mér hún er samt ekki nógu mikið notuð greyið en mjög fljót og örugg. Hin vinnukonan mín er alveg glæný og er líka hvít og heitir Apple Macbook fór að fordæmi Helgu Ragnheiðar , sölukonan sagði meira segja við mig ,,Velkominn í Apple fjölskylduna" Ætli þetta geri ekki tilkall til þess að ég endurvekji gömlu bloggsíðuna mína hmmm.

[Guðbjörg drithöfundur Helga,Sigurdórs og Helgu..., 11.9.2007 kl. 17:11]

Velkomin á skjáinn Sófi  og til hamingju með ónýta epli .