"Mamma ég finn skrítna lykt!" sagði litli ljúfi gaurinn sem kallar ekki allt ömmu sína, stuttu áður en hann féll í vota döggina, steindauður...

 Hann nálgaðist heimilið ofurrólega til að láta sem minnst á sér bera. Hann var klæddur camoflash úlpu og hélt á banvænu vopni í hendi.

 Skyndilega urðu íbúarnir varir við hann og tóku að ókyrrast, við það hljóp hann í felur. Íbúarnir róuðust smám saman á nokkrum mínútum og tíndust inn í hús einn og einn.

 Þegar allir voru komnir inn, spratt sá vopnaði úr felum og gerði atlögu á fjölskylduna úðaði fyrst lömunarspreyji í nánd við heimilið, og horfði á þá hrynja niður meðvitundarlausa, fjölskyldumeðlimir sem voru að koma úr vinnunni flýðu í ofvæni, harmi slegnir yfir þessum voðaatburði.

 Hann glotti útí annað, fyllti  risasprautu af hvítum illalyktandi vökva og sprautaði inn í hýbýlið svo miklu magni af banvænu eitri að flæddi út um veggi...allt varð kyrrt og hljótt.

Þennan harmleik horfði fjölskyldan E 38 á út um stofugluggann fyrir 10.000 krónur, í gærkvöldi.

Athugasemdir

[Helga R. Einarsdóttir, 31.7.2007 kl. 18:22]

Hvort var sorglegra - að sjá fjölskyldunni útrýmt eða að missa 10.000 kallinn? kv.

[Guðbjörg drithöfundur Helga,Sigurdórs og Helgu..., 31.7.2007 kl. 19:40]

Það var vel þess virði að útrýma þessari stórfjölskyldu...

[Josiha, 31.7.2007 kl. 22:28]

Hahaha...

[Erla Björg,Vilberg og Króatinn (IP-tala skráð) 2.8.2007 kl. 17:19]

Arnaldur Indriða hvað.. þetta er eins og úr bestu spennusagnabók.. haltu áfram á þessari braut.. 

[Ninna (IP-tala skráð) 7.8.2007 kl. 20:05]

Það er bara hasar!