Flagbjarnarholt

Sumarið 1983 var ég send í sveit þá var ég á fimmtánda ári,þá var þessi svipur víst alsráðandi í R9 hjá minni: 

Ég var fullkomnlega ósátt við þessa ákvörðun foreldra minna.

Það var tekið á móti mér með skítköldu súpukjöti og ofsoðnum kartöflum.

Ég fingurbrotnaði á fokkjúputtanum,sló honum í snúrustaur.

Ég brákaði fótinn í fjósinu festist milli rimla í flórnum,var borinn í hús í kóngastól hágrenjandi.

Ég fékk að keyra bíl á túninu,Subaru station.

Ég fékk að rýja rollur,sumar fengu blóðnasir á bakið.

Ég var sett ofaní súrheysturn með heykvísl og maurasýru.

Ég var ráðskona í viku og eyðilagði meðal annars ofninn með maregnsbakstri.

Þarna var farandverkamaður sem reykti hass.

Ég fór ríðandi á Hellu á hestamannamót.

Ég fékk sendingar frá mömmu með mjólkurbílnum,allt mögulegt m.a. útrunnið nammi úr Fossnesti mmmmm.... (heilu dunkana).

Ég fékk bréf frá mömmu með lífsreglunum.

Ég sat hest í söðli.

Ég kynntist mörgum skemmtilegum krökkum.

Við fórum í "foodfight" þegar ég var ráðskonan.

Við fengum alla neðri hæðina fyrir okkur og hvert okkar mátti bara fara í sturtu 2svar í viku.

Við Hófí klipptum sína hvora hliðina á Hödda.

Ég fór einu sinni á ball á Hvoli þetta sumar.

Ég fór einu sinni í fjósið,en aðfarirnar við spenaþvott urðu til þess að ég var vinsamlega beðin um að halda mig frá fjósinu.

Þarna voru gæsir reyttar í neðanjarðarbyrgi.

Ég sundreið yfir Þjórsá.

Ég fór á ótemju sem henti mér af baki öllum viðstöddum til ánægju.

Ég fékk 8000.kr. í lok sumars sem var rosa mikið!

Þetta var frááábært sumar!

Takk mamma og pabbi að hafa verið svona vond.

Þessi ljóshærða í rauða kjólnum er flott!

 

 

 

 

Athugasemdir

[Josiha, 13.4.2007 kl. 00:03]

Ég held að það tíðkist ekki lengur að senda börn í sveit. Enda er þjóðfélagið á niðurleið og landbúnaðurinn með því!

[Helga R. Einarsdóttir, 13.4.2007 kl. 18:23]

Ekkert að þakka, ég öfundaði þig allt sumarið og hefði alveg viljað sjá þig þarna fleiri sumur. kv.

[GK, 15.4.2007 kl. 00:22]

Guðmundur greyjið fór auðvitað aldrei í sveit... auminginn...