Húsið...

...angar af kjötsúpu.

Þeir voru að tala um nýjung í Reykjavík síðdegis í gær,matarlykt í ilmvatnsformi.

Kannski maður fái sér kjötbollu eða slátur-ilm  og gefi Lalla aspasgubb-ilm.

 

Sprettinn herti...not!

Ahh...verð bara að segja frá ferð minni í Hagkaup í dag. Fórum að versla grjónapúða til að hafa inni hjá JKL við kvöldlesturinn. Svifum um búðina og góndum í allar áttir eftir þessum risum. Allt í einu rak ég augun í þá hangandi fyrir ofan skóna. Plöntuðum okkur þar og biðum eftir afgreiðslu,þar sem okkar púði var hvergi sjáanlegur nema í háloftunum...loks kom einhver lúði með brettatrillu í eftirdragi:

Ég:getur þú reddað okkur einum svona púða*bendi á 'ann*?

Lúði:Ha...já,ég held að þeir séu á lager...héddna*klór í haus*...kassastelpan reddar því örugglega.

Við ákváðum að kassastelpan myndi ekki redda því og gripum næstu lúðu í Hagkaupspeysu.

Ég:getur þú reddað okkur einum svona púða*bendi á 'ann*?

Lúðan:Öööö...já ég þarf bara að hringja og athuga það*hringir og FER!

...10 mínútum síðar kemur hún:þeir eru bara búnir þessir.

Ég:getum við þá fengið þennan!

Lúðan:Öööö...já örugglega,kallar á strák og biður hann að ná í stiga.

Strákurinn:Ahhh...af hverju þarf ég að gera það "ríkur" í burtu á hraða snigils.

...10 mín.síðar kemur hann með stiga undir hendinni,klórar sér heillengi í hausnum vegna allra stóru púðanna fyrir neðan okkar púða.Fer svo að færa púðana til með litlum látum,klifrar upp og losar púðann.Þessi ferð í hagkaup að kaupa 1 hlut tók 45 mín.um það bil.

Þjónustulundin er alveg að drepa þetta lið!

 

Eftir allt þetta umtal um lúður og lúða kemur ein bullvísa:

 

Í sjónum lúðan rennir sér

og hittir furðufiska

þar til í neti lendir hér

og leggst á okkar diska.

 

Í maga lendir gleði veldur

og dvelur þar um tíma

áfram sinni ferð heldur

í myrkri fer að stíma.

 

Gæist út um gatið ljóta

þar sem sólin ekki skín

dettur niður fer að þjóta

áleiðis aftur heim til sín.

 

Niður ána flýtur fljótt

með skítabragð í munni

týnist svo í hafið hljótt

allt byrjar nýtt frá grunni.

 

Góðar stundir

 

 

Tók...

...hana mágstúlku mína til fyrirmyndar og læsti blogginu,líður mikið betur að vita það að hinir og þessir,aðrir,ókunnugir og jafnvel glæpónar viti allt um mig og mína.

Það hefur hægt aðeins á frásagnargleðinni að vita af þessu.

Þú mátt samt hanga hérna "kafari"ég held að þú sért bestaskinn.

 

 

Hvernig í ósköpunum...

...fór hún að þessu?

Þvílík leikni!

 

Bakkað yfir tré á Skólavörðustíg

Draumurinn rættist loksins:)

Lét verða af því að kaupa mér kennsluefni og gítar...og engann smá gítar sko,Seagull eins og James Blunt á...nú ætla ég að vera rosa duglega að æfa mig,þá get ég boðið James í tónleikaferð um vestfirði í sumar.

Hér er gripurinn:

http://www.seagullguitars.com/productentouragerustic.htm

Bubbi hvað?"

 

                   ********************************

                                          UPPFÆRT

 

                                         X-FACTOR

                        Jógvan-Jegvann.....laaaangbestur!